MAOS TEKS SESORAH

A.    Maos Teks Sesorah

Sesorah utawa pidhato kuwi njlentrehake ide utawa pokok pikiran kanthi wujud tembung-tembung kang diucapake kanggo wong akeh. Sesorah ugi iso uga nganggo tulisan utawa maca layang sing wis disiapake, utawa tanpa layang.

Urutaning sesorah, yaiku :

1.      Ngucapake pambuka kanthi uluk salam

2.      Purwaka, ngunjukake puj syukur lan matur nuwun marang kang para rawuh

3.      Surasane basa utawa isining sesorah bab kang diwedharake

4.      Dudutan (kesimpulan) utawa inti wedharan sesorah

5.      Pangarep-arep ngengingi bab kang dikarepake marang padha kang ngrungokake

6.      Wasana utawa penutup, atur panyuwun lan nyuwun pangapura bok menawa ana klera-kleru anggone nindakake maos pidhato.

Carane ngandharake isine pidhato iku werna-werna miturut tujun, kaanan, lan pendekatan kang dipilih. Jinis-jinis dijlentrehake neng ngisor iki.

1.      Miturut Tujuane Pidhato

a         Menehi hiburan

Pidhato jinis iki ditindakake ana ing acara pahargyan. Tujuane supaya acara kang ditindakake bisa sumringah lan meriah. Basa kang sigunakake pambicara santai  lan bisa gawe bungah lan seneng.

b        Menehi kawruh

Pidhato iki isine ngandharake babagan kang secetha-cethane, supaya pamireng mangerti. Pamicara bisa nganggo conto, mbandingake, lsp. Kang kabeh mau ginane kanggo njelasake marang pamirenge.

c         Ajak-ajak

Pemicu ngandharake alesan, bukti, tuladha supaya pemirenge gelem nindakake kaya apa kang dikarepake pemicara. Biasane pidhato iku dianggo kamanye aep pemilihan umum.

2.      Miturut Kaanane Pidhato

a.       Kaanan resmi

Kaanan resmi lumrahe pamicara maca pidhato nganggo naskah kang wis disiapake, naskah kuwi bisa disimpen kanggo arsip

b.      Kaanan setengah resmi

Pamicara bisa ngandharake pidhatone rada longgar. Nanging kesan resmi kudu tetep digatekake.

c.       Kaanan ora resmi

Pamicara bisa ngandharake pidhatone miturut tujuan utawa seleraen pamirenge.

d.      Kaanan liya-liya

Saliyane kaanan kaya mau, ana kaanan kang kudu nduweni pengaruh marang cacra ngandharake pidhato, yaiku pamirenge lungguh apa ngadheg, wektune, anggone pidhato dhewe apa karo wong liya.

3.      Miturut Pendekatan isi Pidhato

a.       Pendekatan intelektual

Pendekatan iki digunakake yen pemirenge duwe pendidikan kang cukup.

b.      Pendekatan moral

Pendekatan iki digunakake yen pemirege seneng melu kegiatan moral.

c.       Pendekatan emosional

Pendekatan iki digunakake yen pemirege kurang pendidikan. Biasane pemirenge gampang nampa isi pidhato lumantar emosine.

B.     Metode Jinising Pidhato

1.      Metode Apalan

Metode pidato iki pamicara sadurunge gawe tulisan kang lengkap, banjur diapalake tembung tekan ukarane. Ing kene ora ana panemu anyar kang ora ana tulisane.

2.      Metode Naskah utawa Teks

Metode cara iki pamicara kudu bisa nggawa teks pidato kang wis ditulis lan disiapke, ora diapalake.

3.      Metode Ekstemporer

Metode iki pamicara gawe cathetan cilik minanggka kanggo pangeling-eling urutaning kanga rep kawedharake. Uga bisa dikembangake kanthi panemu anyar selaras karo swasana pidhato.

4.      Metode improntu (dadakan)

Metode dadakan iki ora kanyana-nyana sadurunge. Dadi ora ana persiapan sadhurunge. Dadi duwe sangu katrampilan micara ing ngarepe wong akeh.