LARANGAN MARGA “HAN” WONTEN ING DAERAH LASEM

Miturut legenda lan miturut sesepuh ing daerah Lasem, wonten ing jaman biyen wonten keluarga salah satunggaling keturunan Tionghoa, ingkang sugih. Manggen wonten ing daerah Lasem. Kaluarga menika namung bapak lan 4 putranipun. Panjenengane asmanipun Han Wie Sing. Garwanipun sampun kapundhut dangu.

Para putranipun Han menika nggadhahi sifat ingkang boten patut kangge ditiru, inggih menika sifat kang remen judi. Esuk, sore penggaweyanipun namung judi mawon. Menika ingkang dadosaken bandhanipun Han Wie Sing telas. Namung menika boten dadosaken para putranipun panjenengane kapok lan kendel kaliyan pakulinanipun.

“ Duh... putra-putraku, apa kowe ora sadar yen pakulinanmu iki, wis gawe kahanane keluwarga iki saya tambah sangsara lan melarat kaya ngene. Apa kowe ora eleng yen ibumu kapundhut gara-gara mikirke tumindakmu iki. Apa kowe padha ora gelem nerusake usaha bapakmu iki. Malah kok adol kabeh bandhaku iki !”

                 “ Ah … bapak !  Kita sedaya menika boten bakal nerusaken usahanipun bapak, lan kita sedaya boten bakal ninggalaken pakulinanipun menika.”

            Menika nasehat-nasehat ingkang terus dikandhaaken kaliyan para putranipun. Han Wie Sing  boten kesel-kesel ngendika marang putranipun, anannging putranipun tetep nindakaken tumindak menika.

            Wonten ing sawijining dinten Han Wie Sing gerah parah, ndadosaken panjenengane kapundhut. Para putranipun bingong amargi bandhanipun sampun telas kangge judi, dados boten saged ngubur jisimipun Han Wie Sing. Dumadakan Si sulung gadhah usul menawi para putranipun nyuwun sumbangan kaliyan para tangga. Saksampunipun kempal sedaya artanipun, para putranipun boten migunakaken arta menika kangge ngubur jisimipun bapakipun, ananging kangge judi malih.

            Amargi artanipun telas, jisimipun naming dipun bungkus kaliyan gelaran, boten dilebetaken wonten peti. Lajeng ing wanci dalu jisim menika digotong menyang kuburan. Dumadakan jawah kanthi deres, angin kkenceng, bledheg lan kilat padha sesautan. Para putranipun mikir menawi ngubur jisim menika dipunlajengaken dinten sanes. Ananging ing dinten sanesipun wanci dalu, para putranipun Han Wie Sing menyang kuburan jisimipun sampun boten wonten. Ananging wonten kuburan menika wonten pathok kubur ingkang boten wonten namanipun. Dumadakan keprungu suara.

“ Para putraku, kowe kabeh wis tumindak ala, ora ngrumati bapakmu iki, ninggalake jisime ana ing kene. Kowe kabeh wis duraka karo bapakmu iki. Aku ora bakal narima ngapura saka kowe. Teka saiki kowe kabeh ora oleh manggon ana ing Lasem iki. Yen kowe ngelanggar ucapanku iki bakal kena pati lan cilaka.”

            Para putra Han Wie Sing padha nyuwun ngapura ing kubur bapakipun lan padha nuruti perintah lajeng ninggalaken tlatah Lasem. Ngantos sakniki para warga percados. Menapa malih kaliyan Etnis Tionghoa mboten wonten ingkang nglanggar ngantos sakniki. Lajeng kedadeyan punika dianggep wonten. Sarta kuburan ingkang dipercados kuburanipun Han Wie Sing ingkang wonten ing Dusun Babagan Lsem menika ngantos sakniki inggih taksih wonten wujudipun.